Нұргүл Нүсіпжанованың камералық аудиторияға арналған жеке бағдарламасы

Нұргүл Нүсіпжанова – халықаралық байқаулардың лауреаты, К. Байсейітова атындағы дарынды балаларға арналған мамандандырылған музыкалық мектептің және Құрманғазы атындағы Қазақ ұлттық консерваториясының түлегі, Н. Рубинштейн атындағы халықаралық байқауда (Париж, 2013) І жүлдені жеңіп алған. Пианист Еуропа мен АҚШ-тың әйгілі сахналарында, соның ішінде Карнеги Холлда өнер көрсеткен.

Концерт бағдарламасы – Нұргүл Нүсіпжанованың жеке музыкалық таңдауы. Бұл камералық кеште түрлі дәуір мен сан алуан музыкалық әлем тоғысады: заманауи және өмірден өткен қазақстандық композиторлардың, сондай-ақ Рахманинов, Равель мен Капустиннің шығармалары орындалады. Музыкалық тілі мен көңіл күйі қилы-қилы болса да, бұл туындылардың барлығын бір арнаға тоғыстыратын ортақ қасиет – олардың әрқайсысы пианистің шығармашылық әлемінде айрықша орын алады.

Тыңдарманмен терең сырласуды мақсат тұтқан камералық кеңістікте музыка жаңа қырынан ашылады.