Алматыдағы өнер оқиғалары

«Мүсіндер: 1950 жылдардан бүгінгі күнге дейінгі Қазақстан мүсін өнері» көрмесінің қоғамдық бағдарламасы аясында көрме кураторы Әлия Тизенгаузен мен Almaty Museum of Arts көркемдік жетекшісі Меруерт Қалиеваның қатысуымен кездесу өтеді.

«Мүсіндер» көрмесінің ашылуына орай, оларды жаңа қырынан танып-білуге шақырамыз. Карточкалардағы тапсырмаларды орындап, «Мүсіндер» әлемін бізбен бірге зерттеп көріңіздер.

Сәлем, Алматы! Сәлем, қыркүйек!

Осы қыркүйекте «Сәлем, Алматы!» кітабын парақтай отырып, сүйікті қаламызды шарлап шығамыз! Оның көшелері мен саябақтарын кезіп, тарихи ғимараттардың құпиясына қанып, Алматыда із қалдырған танымал тұлғалармен танысамыз. Бастысы, қалаға бала көңілмен, кішкентай зерттеушілердің көзімен қараймыз!

«Мүсіндер» көрмесінің ашылуына орай, пішін, түс және композицияны сан құбылтып, ойната отырып, қағаздан мүсін жасаңыз.

Біз алдыңнан тіскебасар тосайық, сен өзіңнің крафт жобаңды ала кел. Қиялыңа да, қолыңа да ерік бер. Шебер шешей боп, бізбен бірге chill-дат!

Экспериментал фотосуретке түсіруді үйрететін Jas Photo аталатын алғашқы курсымызға open call жариялаймыз!

Курс аясында өтетін 10 сабақта фотоөнердің негіздерін меңгересіз. Камераның қалай жұмыс істейтінін түсініп, өнерге жаңаша көзқараспен қарап, оны талдауға дағдыланасыз, шығармашылық ізденіске тереңінен бойлайсыз. Курс соңында қатысушылардың жұмыстарының көрмесі өтеді. Сабақты фотограф Нұртас Сисекенов жүргізеді.