«Мүсіндер» көрмесінің кураторы Әлия Тизенгаузенмен кездесу өтеді

«Мүсіндер: 1950 жылдардан бүгінгі күнге дейінгі Қазақстан мүсін өнері» көрмесінің қоғамдық бағдарламасы аясында көрме кураторы Әлия Тизенгаузен мен Almaty Museum of Arts көркемдік жетекшісі Меруерт Қалиеваның қатысуымен кездесу өтеді.

Әлия Тизенгаузен көрменің тұжырымдамасы, оның қандай тақырыптарды қаузайтыны мен негізгі туындылар туралы кеңірек әңгімелеп, сондай-ақ соңғы жетпіс жыл ішінде Қазақстандағы мүсін өнерінің көркемдік тілі қалай өзгергеніне тоқталады.

Әлия Тизенгаузен – өнертану ғылымдарының докторы, тәуелсіз куратор, сондай-ақ «Central Asia in Art: From Soviet Orientalism to the New Republics» кітабының авторы.

Іс-шара орыс тілінде өтеді. Іс-шараға музей билетімен кіру тегін.