Танымдық дәріс - Шынайылықтың шекаралары: Алисия Кваде өнері (қазақ тілінде)

Almaty Museum of Arts өз коллекциясында ұсынылған суретшілерге арналған дәрістер сериясын жалғастырады.

Сіздерді заманауи еуропалық өнердің маңызды өкілдерінің бірі Алисия Кваденің шығармашылығына арналған дәріске шақырамыз.

Суретшінің жұмыстары шынайылық, уақыт және кеңістік табиғатын зерттеп отырып, көркем тіл мен ғылыми және философиялық тұжырымдарды тоғыстырады. Тас, металл және айна сияқты материалдарды қолдана отырып, Кваде қабылдаудың қалыптасқан заңдылықтарына күмән тудыратын инсталляциялар жасайды.

Заманауи өнердің таным мен сыни ойлау құралы ретінде қалай жұмыс істей алатынын қарастыруды ұсынамыз. Дәрісті Almaty Museum of Arts экскурсия бөлімінің жетекшісі, өнертанушы Ақжарқын Құмарбаева жүргізеді.

Дәріс қазақ тілінде өтеді.