Өткен іс-шаралар

«Мүсіндер» көрмесінің ашылуына орай, оларды жаңа қырынан танып-білуге шақырамыз. Карточкалардағы тапсырмаларды орындап, «Мүсіндер» әлемін бізбен бірге зерттеп көріңіздер.

Бұл айда «Van Dog» кітабының кейіпкерлерімен бірге жарқын саяхатқа аттанамыз — кітаптағы қызықты бөлшектерді зерттеп, көңілді кейіпкерлерді тауып, өнер әлемінен шабыт аламыз.

Бильбао – төзім мен өзгерістің, қалаберді қауымдастықтың мызғымас бірлігінің арқасында қалыптасқан шаһар, бұл жерде мәдениет атаулы қаланың жаңаруына қуатты серпін берген. Бұл өзгерістің өзегінде тұрған Гуггенһайм Бильбао музейі сәулет өнерінің бірегей туындысы ғана емес, ортақ мұрат пен мәдени өміршеңдіктің символына айналды. Оның әсері музей қабырғасымен шектелмей, Бильбао мен Баск елінің бүкіл өңірінде білім мен шығармашылықтың дамуына, азаматтық мақтаныштың қалыптасуына және кең ауқымды мәдени ортаның өркендеуіне ықпал етіп келеді. Бүгінде Бильбаоның осы тәжірибесі мәдениетке салынған инвестицияның қауымдастықтарды нығайтып, ұлттық және жергілікті бірегейлікті ұлықтауға, адамдарды өзара жақындастырып, өмірге қуат беретін, байланысы берік болашақ құруға жол ашатынын көрсетеді.

Испания мен Қазақстандағы музей директорлары, кураторлар, сәулетшілер, урбанистер, ағартушылар мен зерттеушілердің бастарын бір алаңда қосқалы отырған «Болашақтың музейлері мен қалалары» конференциясы мәдени мекемелердің қазіргі қалаларды жаңғырту үдерісіне қалай атсалыса алатынын қарастырады.

Бәріміз жиналып, «Коралина» фильмін тамашалап, шебер шешей боп қолөнермен айналысып, шығармашылыққа шабыттандырар атмосфералы кино кеш өткізейік.