Валентино Катрикала: Билл Виола, технологиялар мен өнердің болашағы

«Уақыт кеңістігі» көрмесінің ашық бағдарламасы аясында көрменің каталогына мәтін жазған куратор әрі мәдениет саласындағы стратег Валентино Катрикала Билл Виоланың шығармашылығындағы және жалпы заманауи өнердегі өнер мен технологияның өзара байланысы туралы әңгімелейді.

Дәріс барысында тыңдаушылар Валентино Катрикаланың өнер, ғылым және жаңа технологиялар тоғысындағы жеке кураторлық тәжірибесімен де танысады. Париждегі Гран Пале сарайында өткен интерактив үрлемелі өнер көрмесінен бастап, Сауд Арабиясы Мәдениет министрлігі тапсырысымен жасалған ауқымды мәдени жобаларға дейінгі халықаралық көрме жобаларындағы тәжірибесіне сүйене отырып, ол мәдени институттардың болашағы мен өнерді дамытудағы технологиялардың рөлі жөніндегі көзқарасын көпшілікпен бөліседі.

Кездесу ағылшын тілінде өтеді, қазақ және орыс тілдеріне синхрон аударма жасалады.