Куратор көзқарасы: Суен Ли

Дәрістің қорытынды бөлімінде 2013 жылы Сеулде музей филиалы ашылғаннан кейінгі MMCA қызметінің өзгеруі қарастырылады. Негізгі көрмелер мен институционал бастамалар мысалында музейдің кәріс және халықаралық заманауи өнер кеңістігіндегі орнының қалай өзгергені көрсетіледі.

Суен Лидің аталған дәрісті Алматыға жасаған зерттеу сапары аясында оқымақ. Іс-шара Кореяның Ұлттық заманауи және қазіргі заманғы өнер музейі мен Almaty Museum of Arts арасындағы ұзақ мерзімді ынтымақтастық нәтижесінде ұйымдастырылып отыр.

Суен Ли (1979 жылы туған, Сеул қаласында тұрады және жұмыс істейді) – Кореяның Ұлттық заманауи және қазіргі заманғы өнер музейінің (MMCA) кураторы. Сеул ұлттық университетінде лингвистика мамандығы бойынша білім алып, осы университетте өнер тарихы бойынша өнер магистрі дәрежесін алған. Қазіргі уақытта Корнелл университетінің докторантурасында білімін шыңдап жүр.

Зерттеу жұмыстары Шығыс Азияның заманауи өнері аясында цифрлық және электрон медиа кеңістігінде қалыптасатын визуал тілдерді, әсіресе 1990-2000 жылдардағы әлеуметтік-саяси өзгерістермен сабақтастығын зерттеуге бағытталған. Ол суретшілердің шығармашылық қызметіне ықпал ететін әлеуметтік және тарихи жағдайларды, сондай-ақ жаһандану үдерісі жағдайында жаңа технологиялар мен медианың тың визуал тілдердің қалыптасуына қалай әсер ететінін зерделейді.

2008 жылы MMCA ұжымына қосылғаннан бері Суен Ли көптеген көрмелер мен жобалардың кураторы болды, олардың қатарында Out of the Silent Planet (2010), Public Project Cheonggye (2011), Art of Communication: Anri Sala, Yang Ah Ham, Philippe Parreno, Jorge Pardo (2011), Move (2012, Хейворд галереясы, Лондон), Project Hashtag (2021), Paik Nam June Effect (2022), Korea Artist Prize (2023), Lee Kang So: Where the Wind Meets the Water (2024) және Korean National Treasures: 2,000 Years of Art (2025, Смитсон институтының Ұлттық Азия өнері музейі және Чикаго өнер институты). 2026 жылы ол Лион биенналесі аясында өткен Jeune création internationale жобасына шақырылған куратор ретінде де қатысты.